மாரி செல்வராஜ் இயக்கத்தில், கலைப்புலி தாணு தயாரிப்பில் உருவாகியுள்ள படம் கர்ணன். தனுஷ், யோகி பாபு, ரஜிஷா விஜயன், நட்டி உள்ளிட்டோர் நடித்துள்ள இந்தப் படத்துக்கு சந்தோஷ் நாராயணன் இசையமைத்துள்ளார்.
படத்தின் பாடல்களும், முன்னோட்டக் காட்சிகளும் வெளியாகி, பெரும் எதிர்ப்பார்ப்பைக் கிளப்பியுள்ளன. கொரோனா காலத்துக்குப் பிறகு, ஒரு படத்துக்கு இவ்வளவு பெரிய எதிர்ப்பார்ப்பு உள்ளதென்றால் அது கர்ணனுக்குத்தான்.
“இந்த எதிர்ப்பார்ப்பு நாங்களாக வலிந்து உருவாக்கியதில்லை. படத்தின் கதை, இசை. பாடல்கள், நடிகர்கள் தேர்வு என அனைத்தும் சேர்ந்து மக்களிடம் பெரும் எதிர்ப்பார்ப்பை ஏற்படுத்தியுள்ளது. இந்தப் படம் தமிழ் சினிமா ரசிகர்களுக்கு உணர்ச்சிப்பூர்வமான ஒரு அனுபவத்தைத் தரும்,” என்கிறார் தயாரிப்பாளர் கலைப்புலி தாணு.
தணிக்கையில் யுஏ சான்று பெற்றுள்ள கர்ணன் படத்தை வரும் ஏப்ரல் 9-ம் தேதி உலகெங்கும் திரையரங்குகளில் வெளியிடுகிறார்கள். இன்று படத்தின் நாயகன் தனுஷ், கர்ணன் ரீலீஸ் தேதி குறிப்பிடப்பட்ட போஸ்டரை தனது ட்விட்டர் பக்கத்தில் வெளியிட்டுள்ளார்.