வெறும் ஒன்பது கதாபாத்திரங்களை ஒரு சிறு படகில் வைத்துக் கொண்டு 125 நிமிடங்களை சுவாரஸ்யமாய் கொண்டு செல்ல முடியுமென்று நிரூபித்திருக்கிறார் இயக்குநர் சிம்புத்தேவன். தரவுகளோடு கூடிய கூர்மையான வசனங்கள் திரைப்படத்தைத் தூக்கி நிறுத்துகின்றன உடன் யோகிபாபு தனது நடிப்பினால் அசத்தியிருக்கிறார். பிழைப்பிற்காக வெளியூர்களிலிருந்து நகரத்திற்குள் படையெடுக்கும் கூட்டமும், பெரும் வணிகங்களும், தொழிற்சாலைகளும், நகர விரிவாக்கமும் ஒவ்வொரு நகரத்திலும் வசிக்கும் பூர்வகுடிகளை என்ன செய்கிறது? நகரின் மையத்தை விட்டு வெளியே நகர்த்தப்படும் போது உளவியல் ரீதியாய் அவர்களுக்கு ஏற்படும் […]