ரஜினிகாந்த் நடிக்கும் ‘ஜெயிலர்’ படப்பிடிப்பு விறுவிறுப்பாக நடந்து வருகிறது. நெல்சன் திலீப் குமார் இயக்கி வரும் இப்படத்தின் 65 சதவீதம் படப்பிடிப்பு முடிந்துள்ளதாகக் கூறப்படுகிறது.
ஜெயிலர் படத்தில் கன்னட நடிகர் சிவராஜ் குமார் நடிக்கிறார். அவர் எதிர்மறை நாயகனாக நடிப்பதாக தகவல் கசிந்துள்ளது.
ரஜினியின் ‘படையப்பா’ படத்தில் நீலாம்பரியாக நடித்து ரசிகர்களைக் கவர்ந்த ரம்யா கிருஷ்ணனும் ‘ஜெயிலர்’ படத்தில் இணைந்துள்ளார்.
ஜெயிலர் படத்தில் ரஜினியுடன் மலையாள நடிகர் மோகன்லால், தெலுங்கு நடிகர் சுனில் ஆகியோரும் நடிக்கும் தகவலை தயாரிப்பு நிறுவனமான சன் பிக்சர்ஸ் அண்மையில் தெரிவித்திருந்தது.
இந்த நிலையில் ஜெயிலர் திரைப்படத்தில் நடிகை தமன்னா இணைந்துள்ளார். இதனை படக்குழு புதிய புகைப்படத்தை வெளியிட்டு அறிவித்துள்ளது. இந்த அறிவிப்பு, படம் குறித்த எதிர்ப்பார்ப்பை மேலும் எகிற வைத்திருப்பதாக ரசிகர்கள் கொண்டாடி வருகின்றனர்.
.@tamannaahspeaks from the sets of #Jailer
@rajinikanth @Nelsondilpkumar @anirudhofficial pic.twitter.com/sKxGbQcfXL
— Sun Pictures (@sunpictures) January 19, 2023