விவேக் விரைந்து நலம் பெற ரஜினி பிரார்த்தனை!

சென்னை: திடீர் மாரடைப்பு காரணமாக இன்று காலை மருத்துவமனையில் சேர்க்கப்பட்ட நடிகர் விவேக்குக்கு எக்மோ சிகிச்சை அளிக்கப்பட்டு வருகிறது. அவரது உடல்நிலை கவலைக்கிடமாக உள்ளதாகவும், 24 மணி நேரம் கழித்துதான் உறுதியாகச் சொல்ல முடியும் என்று சிம்ஸ் மருத்துவமனை மருத்துவர்கள் இன்று செய்தியாளர்களிடம் தெரிவித்துள்ளனர்.

நடிகர் விவேக் நலம் பெற திரையுலகம் மட்டுமின்றி, அரசியல் தலைவர்கள், சமூக ஆர்வலர்கள், ரசிகர்கள் என அனைத்துத் தரப்பினரும் பிரார்த்தனைகளையும் வாழ்த்தையும் தெரிவித்து வருகின்றனர்.

இந்த நிலையில் நடிகர் ரஜினிகாந்த் தனது ட்விட்டர் பக்கத்தில் விவேக் விரைந்து நலம்பெற தனது பிரார்த்தனைகளைத தெரிவித்துள்ளார்.

வீரா, உழைப்பாளி, சிவாஜி போன்ற படங்களில் ரஜினியுடன் நடித்துள்ளார் விவேக்.