வடிவேலு, ஃபகத் பாசில், கீர்த்தி சுரேஷ், உதயநிதி ஸ்டாலின் ஆகியோர் நடிப்பில் மாமன்னன் படத்தை இயக்கியிருந்தார் மாரி செல்வராஜ். நடிகராக வலம் வந்த உதயநிதி தற்போது அமைச்சராகிவிட்டதால் இதுதான் அவரது கடைசி படம் என அறிவிக்கப்பட்டுள்ளது. கடந்த ஜூன் 29ஆம் தேதி திரையரங்குகளில் வெளியான படத்தை ரசிகர்கள் பெரும் ஆர்வத்துடன் சென்று பார்த்தனர்.
இந்தப் படம் அரசியல், கலை உலகில் பெரும் அதிர்வலைகளை ஏற்படுத்தியது. படம் குறித்த விவாதங்கள் இன்னும் தொடர்ந்து கொண்டுள்ளன.
படம் குறித்து கலவையான விமர்சனங்கள் வந்தபோதும், வசூல் ரீதியாக மாமன்னன் நல்ல வெற்றியைப் பெற்றுள்ளது.
படத்தின் நாயகன் உதயநிதி ஸ்டாலின் இதுவரை நடித்த படங்களிலேயே பெரிய துவக்கம் இந்தப் படத்துக்குத்தான் கிடைத்தது. அதேபோல ரூ 50 கோடியைத் தாண்டி வசூலித்துள்ள முதல் உதயநிதி படமும் மான்னன்தான்.
படம் வெளியாகி 9 நாட்களில் ரூ 52 கோடியை இந்தப் படம் குவித்துள்ளது . இதனை உதயநிதி ஸ்டாலின் மாமன்னன் வெற்றி விழாவில் வெளிப்படையாக அறிவித்தது குறிப்பிடத்தக்கது,