100 நாட்கள் நடக்கும் இப்போட்டியில் அனைத்து கடினமான தருணங்களையும் கடந்து இறுதிவரை பிக் பாஸ் வீட்டுக்குள் இருப்பவரே வெற்றியாளர். அவருக்கு ரூ 50 லட்சம் பரிசு வழங்கப்படும். இந்த ஆண்டு பிக் பாஸ் நிகழ்ச்சியின் மீதும் எதிர்பார்ப்பு எழுந்துள்ளது. முதல் நாளே கலகலப்பாக நிகழ்ச்சி தொடங்கியுள்ளது.
நிகழ்ச்சியில் கலந்து கொண்டுள்ள 20 போட்டியாளர்கள் விபரம்:
1. ஜிபி முத்து
டிக் டாக் புகழ் ஜி.பி.முத்து பிக் பாஸ் 6-ன் முதல் போட்டியாளராகக் கலந்துக் கொண்டுள்ளார். தூத்துக்குடி மாவட்டம் உடன்குடியை சேர்ந்த இவரின் முழுப்பெயர் ஜி.பேச்சுமுத்து.
2. அசல் கோளாறு
சென்னை காசிமேட்டை சேர்ந்த ரேப் பாடகர் அசல் கோளாறு இரண்டாவது போட்டியாளராகக் கலந்துக் கொண்டார்.
3. ஷிவின் கணேசன்
திருநங்கை மாடலான ஷிவின், இந்தியாவில் ஏற்பட்ட கசப்பான சம்பவங்களில் இருந்து தப்பிக்க சிங்கப்பூர் சென்றார். தற்போது பிக் பாஸ் மூலம் மீண்டும் இந்தியாவுக்குத் திரும்பியுள்ளார்.
4. அசீம்
சன் டிவியின் பிரபல பூவே உனக்காக சீரியலில் முக்கிய வேடத்தில் நடித்திருந்தார். வாழ்க்கை விவாகரத்தில் முடிந்ததையடுத்து, ஒவ்வொரு ஞாயிற்றுக்கிழமையும் சில மணிநேரங்கள் தனது மகனுடன் செலவிட்டு வருகிறார். தற்போது பிக்பாஸ் நிகழ்ச்சிக்கு வந்துள்ளதால் இதை பயன்படுத்தி தன் மகன் மீதுள்ள அன்பை வெளிப்படுத்த விரும்புவதாக தெரிவித்துள்ளார்.
5. ராபர்ட்
அழகன் படத்தில் சிறுவனாக அறிமுகமாகி. இப்போது தமிழ் சினிமாவின் நடன இயக்குநர்களில் ஒருவராக அறியப்படும் ராபர்ட் மாஸ்டர். தற்போது தன்னைப் பற்றி வெளியுலகம் தெரிந்துக் கொள்ள பிக் பாஸ் வந்திருக்கிறார்.
6. ஆயிஷா
ஜீ தமிழ் சத்யா சீரியல் மூலம் புகழ்பெற்ற நடிகை ஆயிஷா.
7. ஷெரினா
8. மணிகண்ட ராஜேஷ்
நடிகை ஐஸ்வர்யா ராஜேஷின் சகோதரரான மணிகண்ட ராஜேஷ், சன் டி.வி சீரியலில் நடித்துள்ளார்
9.ரக்ஷிதா மகாலட்சுமி
சரவணன் மீனாட்சி சீரியல் மூலம் பிரபலமான ரச்சிதா, சின்னத்திரையில் பல சீரியல்களில் நடித்துள்ளார். உப்புக் கருவாடு படத்தின் நாயகியாக நடித்தார்.
10. ராம் ராமசாமி
கிரிக்கெட் வீரரும் மாடலுமான ராம் ராமசாமி பிக் பாஸ் தமிழ் சீசன் 6 இன் 10-வது போட்டியாளராக களமிறங்கியுள்ளார். காயம் காரணமாக கிரிக்கெட்டைத் தொடரமுடியாத இவர், சிறு வேடங்களில் நடித்துள்ளார்.
11. ஆர்யன் தினேஷ் கனகரத்தினம்
இலங்கையிலிருந்து ராப் பாடகர் ஆர்யன் தினேஷ் கனகரத்தினம் பிக்பாஸ் நிகழ்ச்சியில் போட்டியாளராகக் கலந்துக் கொண்டுள்ளார். இவர், ஏஆர் ரஹ்மான், டி இமான், சந்தோஷ் நாராயணன் மற்றும் ஹாரிஸ் ஜெயராஜ் போன்ற பல முன்னணி தமிழ் இசைக்கலைஞர்களுடன் பணியாற்றியுள்ளார்.
12. ஜனனி
இலங்கையிலிருந்து மற்றொரு போட்டியாளர் ஜனனி. தொகுப்பாளர் மற்றும் செய்தி வாசிப்பாளரான ஜனனி, தற்போது பிக்பாஸ் நிகழ்ச்சியில் நுழைந்த முதல் நாளிலேயே எண்ணற்ற ரசிகர்களைக் கவர்ந்துள்ள இவருக்கு இப்போதே ஆர்மிக்கள் உருவாகிவிட்டன.
13. சாந்தி
புகழ்பெற்ற மெட்டி ஒலி சீரியலின் டைட்டில் பாடலுக்கு நடனமாடி அனைவரையும் கவர்ந்தவர் சாந்தி.
14. விக்கிரமன்
பத்திரிக்கையாளர் விக்ரமன், பெரியாரிய, அம்பேத்கரிய சித்தாந்தங்களால் ஈர்க்கப்பட்டவர். விசிக-வின் செய்தித் தொடர்பாளர்.
15. அமுதவாணன்
சின்னத் திரை மற்றும் மேடை நகைச்சுவைக் கலைஞர் அமுதவாணன். இன்னும் பெரிய அங்கீகாரத்தை எதிர்ப்பார்த்து பிக்பாஸ் வீட்டுக்கு வந்துள்ளார்.
16. மகேஸ்வரி
தொகுப்பாளினி, சீரியல் நடிகை, காஸ்ட்யூம் டிசைனர், இண்டீரியர் டிசைனர் என பல திறமைகளைக் கொண்டவர்.
17. கதிரவன்
சன் மியூஸிக்கில் தொகுப்பாளராக இருந்த வி.ஜே.கதிரவன் பிக் பாஸ் நிகழ்ச்சியில் போட்டியாளராகக் கலந்துக் கொண்டுள்ளார்.
18. குவின்சி
நடிகையும் மாடல் அழகியுமான குயின்சி பிக்பாஸ் நிகழ்ச்சியின் 18-வது போட்டியாளராக என்ட்ரி ஆகியுள்ளார்.
19. நிவா
சிங்கப்பூரில் பிறந்து வளர்ந்த நிவா, ஃபேஷன் டிசைனர், உதவி இயக்குநராக பணியாற்றியிருப்பதாக தெரிவித்துள்ளார்.
20. தனலட்சுமி
20. ஈரோடு மாவட்டம் பவானியை சேர்ந்த தனலட்சுமி இன்ஸ்டாகிராம் ரீல்ஸ் வீடியோ மூலம் பிரபலமானவர்.